Някляеў Уладзімір Пракопавіч

Працаваў сувязістам на Поўначы, у Сібіры, на Далёкім Усходзе, радыёмеханікам у мінскім тэлевізійным атэлье. Займаўся на аддзяленні паэзіі Літаратурнага інстытута ў Маскве (1971). Завочна скончыў філалагічны факультэт Мінскага педагагічнага інстытута (1973). У 1972—1975 — літсупрацоўнік рэдакцыі газеты "Знамя юности", у 1975—1978 — рэдактар бюлетэня "Тэатральны Мінск".

З 1978 — старшы рэдактар галоўнай рэдакцыі літаратурна-драматычных праграм Беларускага тэлебачання, з 1987 — галоўны рэдактар часопіса "Крыніца" («Родник»), штотыднёвіка "Літаратура і мастацтва". Член Саюза пісьменнікаў СССР (з 1978). Член Беларускага ПЭН-цэнтра (з 1989). З 1998 па 2001 — старшыня Саюза беларускіх пісьменнікаў. У 1999 г. выехаў у Польшчу.

З 2010 г. узначальваў грамадзянскую кампанію "Гавары праўду". Удзельнічаў у прэзыдэнцкіх выбарах 2010 году ў якасці кандыдата. 8 красавіка 2015 году Уладзімір Някляеў заявіў пра свой выхад з усіх апазіцыйных структур.

У траўні 2015 года заснаваў рух "За дзяржаўнасць і незалежнасць Беларусі".