Пальчыс Эдуард Аляксандравіч

З'яўляецца заснавальнікам сайта 1863x.com, калектыўнага блога, аўтары якога займаюцца аналітыкай палітычных і культурных падзеі ў Беларусі, Расіі і Украіне. 23 студзеня 2016 года Эдуарда Пальчыса затрымалі пры перасячэнні ўкраінска-расійскай мяжы.

Эдуарду Пальчысу прад'яўленае абвінавачванне ў распальванні варожасці па прыкмеце расавай, нацыянальнай, рэлігійнай, моўнай ці іншай сацыяльнай прыналежнасці (ч. 1 арт. 130 КК), а таксама ў вырабе і распаўсюдзе парнаграфічных матэрыялаў або прадметаў парнаграфічнага характару (арт. 343 КК).

28 кастрычніка 2016 года Мінскі гарадскі суд прысудзіў яго да 1 года 9 месяцаў абмежавання волі без накіравання ў выпраўленчую ўстанову.