Руммо Алег

Працоўную дзейнасць пачаў фельчарам пункта здароўя гарадской паліклінікі № 21 Мінска. Працаваў клінічным ардынатарам па спецыяльнасці "Хірургія" 2-й кафедры хірургічных хвароб Мінскага дзяржаўнага медыцынскага інстытута, лекарам-хірургам 1-га хірургічнага аддзялення 9-й гарадской клінічнай бальніцы г. Мінска, старшым навуковым супрацоўнікам, загадчыкам лабараторыі гема- і лімфасорбцыі Цэнтральнай навукова-даследчай лабараторыі Беларускага дзяржаўнага медыцынскага ўніверсітэта, 2-ім асістэнтам кафедры хірургічных хваробаў Беларускага дзяржаўнага медыцынскага ўніверсітэта.

Доктар медыцынскіх навук, прафесар. Заслужаны лекар Рэспублікі Беларусь.

На прэзідэнцкіх выбарах 2010 і 2015 гадоў быў даверанай асобай Аляксандра Лукашэнкі. З'яўляецца чальцом Савета Рэспублікі Нацыянальнага сходу Рэспублікі Беларусь шостага склікання ад горада Мінска.