Орда Міхаіл Сяргеевіч

Працоўную дзейнасць пачаў слесарам у калгасе "Расія" Дзятлаўскага раёна. Служыў у шэрагах Узброеных Сілаў. Быў кіраўніком абласнога штаба студэнцкіх атрадаў Віцебскай вобласці, дырэктарам абласной службы добраахвотнай працы моладзі, прэзідэнтам Рэспубліканскай асацыяцыі міжнародных моладзевых абменаў і турызму, другім сакратаром Цэнтральнага камітэта грамадскага аб'яднання ""Беларускі патрыятычны саюз моладзі"". З'яўляўся Першым сакратаром Беларускага рэспубліканскага саюза моладзі (2003–2006). Быў упаўнаважаным прэзідэнта Рэспублікі Беларусь па Гродзенскай вобласці.

Абіраўся дэпутатам Палаты прадстаўнікоў Нацыянальнага сходу Рэспублікі Беларусь другога, трэцяга і чацвёртага скліканняў. Быў дэпутатам Парламенцкага сходу Саюза Беларусі і Расіі другога склікання. Працаваў кіраўніком Прадстаўніцтва Пастаяннага Камітэта Саюзнай дзяржавы ў г. Мінску.