Чаканаў Валянцін Сяргеевіч

У 1978–1990 гг. працаваў у структуры камсамолу. У 1990–1993 гг. – эканамічны дарадца, загадчык аддзела гандлю Бабруйскага гарвыканкама. У 1993 г. узначаліў ААТ “Космас-Камцэнтр” у Бабруйску.

У 2001–2002 гг. – намеснік дырэктара, дырэктар ТАА “Прамгандальскура”, намеснік начальніка дзяржаўнай установы матэрыяльна-тэхнічнага забеспячэння Кіраўніцтва справамі прэзідэнта Беларусі.

Ад 2002 г. – намеснік генеральнага дырэктара ААТ “Белбакалея”, затым узначаліў гэта прадпрыемства. Міністр гандлю Рэспублікі Беларусь са студзеня 2009 г. да снежня 2015 г. У снежні 2015 г. быў арыштаваны па абвінавачванні ў карупцыі, знаходзіцца ў зняволенні.