Шорац Андрэй Віктаравіч

У 1995–1997 гадах працаваў інжынерам-тэхнолагам, намеснікам начальніка цэха ААТ “Віцебскі прыборабудаўнічы завод”. У 1997–1998 гадах – першы сакратар Кастрычніцкага раённага камітэта Беларускага патрыятычнага саюза моладзі г. Віцебска. У 1999–2002 гадах – вядучы інжынер, начальнік упраўлення кааператыўнай прамысловасці, начальнік упраўлення якасці Віцебскага аблспажыўсаюза.

У 2002–2005 гадах – начальнік аддзела энергетыкі і транспарту ўпраўлення прамысловасці, энергетыкі і транспарту, начальнік аддзела энергетыкі, транспарту і сувязі Віцебскага аблвыканкама. У 2005–2010 гадах – начальнік упраўлення жыллёва-камунальнай гаспадаркі Віцебскага аблвыканкама. У 2010–2011 гадах – намеснік міністра жыллёва-камунальнай гаспадаркі Рэспублікі Беларусь. Міністр жыллёва-камунальнай гаспадаркі Рэспублікі Беларусь з чэрвеня 2011-га да лістапада 2014 года.