Працаваў на Мінскім трактарным заводзе. Заснаваная ў 1992 годзе кампанія “Трайпл” ператварылася ў шматпрофільны бізнэс. Цяпер кампаніі Чыжа займаюцца перапрацоўкай і продажам нафтапрадуктаў, будаўнічым і рэстаранным бізнэсам, вытворчасцю напояў, рознічным гандлем, спартыўнай і турыстычнай сферамі.

Чыж штогод знаходзіцца на вышэйшых пазіцыях у рэйтынгу самых паспяховых і ўплывовых бізнэсмэнаў Беларусі інтэрнэт-партала “Ежедневник”. Як лічыцца, ён сябруе з Аляксандрам Лукашэнкам. У 2012 годзе Еўрапейскі саюз увёў візавыя абмежаванні ў дачыненні да Юрыя Чыжа і кропкавыя санкцыі супраць яго кампаній.

У сакавіку 2016 года затрыманы КДБ па падазрэнні ў здзяйснення злачынства, прадугледжанага ч. 2 арт. 243 Крымінальнага кодэкса РБ “Ухіленне ад выплаты падаткаў, збораў у асабліва буйным памеры”.

У верасні 2016 года адпушчаны з СІЗА пасля таго, як цалкам кампенсаваў шкоду ў памеры каля 12-13 мільёнаў даляраў.