Ізраілевіч Аркадзь Львовіч

Аркадзь Ізраілевіч з'яўляецца суўладальнікам групы кампаній ІВ, якая пабудавала шэраг бізнес-цэнтраў і жылых дамоў у Мінску. Бізнесмен таксама раней займаўся гандлем нафтапрадуктамі. Мае долю ў асфальтабетонным заводзе ў Мінску. Ізраілевіч ўваходзіць у сотню самых уплывовых бізнесменаў краіны па версіі «Ежедневника». Мае рэпутацыю аднаго з самых скандальных бізнесменаў Беларусі. У 2013 годзе Ізраілевіч упершыню трапіў у цэнтр увагі СМІ ў сувязі з рэзкімі выказваннямі на адрас чыноўнікаў Мінгарвыканкаму. У 2017 годзе бізнесмен зноў трапіў у поле ўвагі СМІ і грамадскасці ў сувязі з праблемамі з вяртаннем грошай за пастаўлены мазут. У 2018 годзе Ізраілевіч устаў на абарону скандальнага рэстарана "Паедзем паядзім", які быў пабудаваны з заканадаўчымі парушэннямі каля масавых пахаванняў ахвяр сталінскіх рэпрэсій ва ўрочышчы Курапаты пад Мінскам. Бізнесмен падаў у суд на газету «Новы час», якая напісала, што ён нібыта з'яўляецца канчатковым бенефіцыярам гэтай установы, аднак прайграў працэс. 31 кастрычніка 2018 года з'явілася інфармацыя аб тым, што бізнесмен быў затрыманы за дачу хабару. 9 лістапада 2018 года Ізраілевіча вызвалілі з СІЗА КДБ.