У 1985–1988 гг. і 1991–1995 гг. працаваў на заводзе “Дыяпраектар”, у 1988–1989 гг. у Рагачоўскім гаркаме КПБ. Ад 1995 да 1996 г. у Службе кантролю прэзідэнта Рэспублікі Беларусь.

Ад 1996 да 2000 г. займаў пасады ў Камітэце дзяржаўнага кантролю Рэспублікі Беларусь, ад 1998 быў прэзідэнтам Беларускага дзяржаўнага канцэрна па вытворчасці і рэалізацыі тавараў лёгкай прамысловасці.

Ад 2003 да 2010 г. займаў кіраўнічыя пасады ва ўрадзе Рэспублікі Беларусь. У 2010–2011 гг. быў намеснікам старшыні Адміністрацыі прэзідэнта, а ў 2011–2012 гг. амбасадарам Беларусі ў Расійскай Федэрацыі.  Ад 2012 па 2014 г. кіраваў Адміністрацыяй прэзідэнта.