Беларускі палітычны і грамадскі дзеяч.
Працаваў па спецыяльнасці інжынера-будаўніка, пачынаючы ад супрацоўніка і заканчваючы начальнікам тэхнічнага аддзела. Затым займаўся прыватным бізнэсам.
З 1996 года - член Каардынацыйнай Рады "Беларускага аб'яднання маладых палітыкаў".
У 2002-2004 гадах - член Прэзідыума Беларускай нацыянальнай рады моладзевых і дзіцячых грамадскіх арганізацый "Рада". Адзін з распрацоўшчыкаў канцэпцыі новай моладзевай палітыкі Беларусі.
У партыі ўзначальвае працу міжнароднага і адукацыйнага аддзела, курыруе працу моладзевай арганізацыі "Маладыя Хрысціянскія Дэмакраты", з'яўляецца кіраўніком Мінскай арганізацыі БХД.
Адзін з кандыдатаў у прэзідэнты на выбарах 2010 г.
20 мая 2011 г. асуджаны да 2 гадоў пазбаўлення волі ўмоўна па артыкуле "Арганізацыя групавых дзеяньняў, якія парушаюць грамадзкі парадак, альбо актыўны ўдзел у іх".