З 1984 года навучаўся ў аспірантуры Навукова-даследчага інстытута бетону і жалезабетону (Масква, Расія). У 1987 годзе абараніў кандыдацкую дысертацыю.

З 1988 года працаваў дацэнтам кафедры жалезабетонных і каменных канструкцый Наваполацкага політэхнічнага інстытута.

З 1996 да 1998 года з’яўляўся дактарантам Беларускай дзяржаўнай політэхнічнай акадэміі. У 1999 годзе абараніў доктарскую дысертацыю. У 2000 годзе яму прысвоена навуковае званне прафесар.

З 1999 года да траўня 2003 года быў дэканам інжынерна-будаўнічага факультэта. Некалькі гадоў працуе прафесарам кафедры будаўнічых канструкцый (па сумяшчальніцтве).

У 2003 годзе прызначаны рэктарам Полацкага дзяржаўнага ўніверсітэта.