У 1959—1965 гадах была супрацоўніцай Беларускай рэдакцыі Іспанскага нацыянальнага радыё, а таксама выкладала французскую мову ў Мадрыдзе. У 1969 годзе з сям'ёй пераехала ў Канаду, дзе працавала ў федэральным бюро перакладаў.

У 1974 годзе была абраная старшынёю Беларускага Інстытуту Навукі і Мастацтва ў Канадзе. У 1984 годзе абіралася ў склад праўлення Канадскай Этнакультурнай Рады. У 1989 годзе заснавала Канадскі фонд дапамогі ахвярам Чарнобылю ў Беларусі, які ўзначальвала да 1997 года.