З 1984 года па 1986 год праходзіў тэрміновую ваенную службу ва Узброеных Сілах СССР. У 1991 годзе скончыў Беларускі дзяржаўны ўніверсітэт па спецыяльнасці "правазнаўства".

З 1991 па 1998 год праходзіў службу ў органах пракуратуры на следчых пасадах. З 1998 па 2003 год - пракурор Расонскага раёна Віцебскай вобласці. З 2003 па 2006 год - пракурор Віцебскага раёна. З 2006 па 2009 год - начальнік упраўлення Генеральнай пракуратуры Рэспублікі Беларусь па наглядзе за расследаваннем крымінальных спраў у органах пракуратуры. З 2009 па 2012 год - пракурор Гомельскай вобласці.

З 1 студзеня 2012 года - намеснік Старшыні Следчага камітэта Рэспублікі Беларусь.
Указам прэзідэнта ад 16 лістапада 2012 г. № 512 прызначаны Старшынём Следчага камітэта Рэспублікі Беларусь.

Указам Прэзідэнта Рэспублікі Беларусь № 451 вызвалены ад пасады Старшыні Следчага камітэта па ўзгадненні бакоў.