У 1986–2002 гг. працаваў на розных пасадах у Дарбудмантажтрэсце Беларускай чыгункі. Па заканчэнні ВНУ працаваў будаўнічым майстрам будаўніча-мантажнага цягніка № 391 на станцыі Брэст ГП “Дарбудмантажтрэст” Беларускай чыгункі, затым галоўным інжынерам будаўнічага ўпраўлення № 2 на станцыі Магілёў.

У перыяд з 1987 да 1989 г. працаваў начальнікам будаўніча-мантажнага цягніка № 761 на станцыі Магілёў. З 1989 па 2001 г. узначальваў будаўніча-мантажны цягнік № 367 на станцыі Мінск РУП “Дарбудмантажтрэст” Беларускай чыгункі. У 2002 г. прызначаны галоўным інжынерам будаўніча-мантажнага рэспубліканскага ўнітарнага прадпрыемства “Дарбудмантажтрэст” Беларускай чыгункі.

У 2002–2006 гг. быў намеснікам начальніка Беларускай чыгункі.
У 2006–2009 гг. працаваў памочнікам прэзідэнта Рэспублікі Беларусь – галоўным інспектарам па г. Мінску. У чэрвені 2009 г. быў прызначаны начальнікам Беларускай чыгункі.

31 ліпеня 2012 г. прызначаны міністрам транспарту і камунікацый.