З пачатку 1990-х актыўна займаецца журналістыкай. Працаваў у якасці пазаштатнага карэспандэнта газет «Прессбол» і «Футбол Беларусі», каментаваў футбольныя матчы з удзелам гарадзенскага «Нёмана» на гарадзенскім тэлебачанні, дзе таксама быў вядучым выпускаў спартыўных навінаў.
З 1995 года карэспандэнт гарадзенскай грамадска-палітычнай газеты «Пагоня».

У 1997 годзе быў адным з заснавальнікаў грамадскага аб’яднання «Цэнтр інфармацыйнай падтрымкі грамадскіх ініцыятываў «Трэці сэктар».

З другой паловы 1990-х — адзін з найбольш вядомых беларускіх трэнераў для грамадскіх актывістаў. Адзін з заснавальнікаў і кіраўнікоў гарадзенскай «Школы маладога журналіста». Рэдактар часопісу «Трэці сэктар». Старшыня Праўлення ГА «Цэнтар „Трэці сэктар“» (з 1997).