Пачаў кар’еру на пасадзе оперупаўнаважанага АБЭЗ, затым быў начальнікам АБЭЗ Партызанскага, а пазней – Фрунзенскага раённага аддзела ўнутраных справаў. Служыў у аддзеле па раскрыцці цяжкіх і асабліва цяжкіх злачынстваў ГУУС Мінска.

У 2007 годзе атрымаў пасаду начальніка РАУС Партызанскага раёна сталіцы і стаў самым маладым начальнікам раённага аддзела міліцыі за ўсю гісторыю гарадскога ўпраўлення ўнутраных справаў. Праз два гады ўзначаліў РУУС найбуйнейшага раёна сталіцы – Фрунзенскага. У 2012 годзе сышоў з МУС у палітыку і далучыўся да ЛДПБ, якую ўзначальвае яго бацька Сяргей Гайдукевіч.