У перыяд ад 1976 да 1992 года працаваў у Беларускім рэстаўрацыйным праектным інстытуце загадчыкам аддзела комплексных навуковых даследаванняў. У 1981 годзе абараніў кандыдацкую дысертацыю.

Ад 1996 года да сакавіка 1998 года – дэкан факультэта бібліятэчна-інфармацыйных сістэм Беларускага ўніверсітэта культуры. У 1990 годзе быў адным з заснавальнікаў Беларускага гуманітарнага ліцэя імя Якуба Коласа.

Адзін з распрацоўнікаў выявы дзяржаўнага герба Рэспублікі Беларусь “Пагоня”, бел-чырвона-белага дзяржаўнага сцяга Рэспублікі Беларусь і навершша да яго.

У 1990–1996 гады – дэпутат Вярхоўнага Савета ХІІ склікання. Ад 1990 да 1995 года – намеснік старшыні камісіі Вярхоўнага Савета Рэспублікі Беларусь па адукацыі, культуры і ахове гістарычнай спадчыны.

У 1989 годзе выступіў адным з заснавальнікаў Таварыства беларускай мовы. У красавіку 1997 года абраны Рэспубліканскай Радай першым намеснікам старшыні ТБМ. На VI з’ездзе ТБМ 17 красавіка 1999 года абраны старшынёй Таварыства беларускай мовы.