Працавала выкладчыцай псіхалогіі ў Беларускім дзяржаўным універсітэце і Беларускім дзяржаўным педагагічным універсітэце. Была загадчыцай аддзялення сацыяльнай рэабілітацыі Тэрытарыяльнага цэнтра сямейнага абслугоўвання Ленінскага раёна г. Мінска. Сябра БСДП “Грамада”. У кампаніі “Гавары праўду” з траўня 2010 года. На прэзідэнцкіх выбарах 2010 года была даверанай асобай кандыдата ў прэзідэнты Уладзіміра Някляева, у 2012 годзе балатавалася ў Палату прадстаўнікоў па Кальварыйскай выбарчай акрузе г. Мінска. Кандыдат у прэзідэнты Беларусі на выбарах 2015 года.